Oordenking - Kritiek op die kerk

 

Liewe Vyfhoek-gelowige

Lees gerus hierdie oordenking.

KRITIEK OP DIE KERK

“Waarom sien jy die splinter raak wat in jou broer se oog is, maar die balk in jou eie oog merk jy nie op nie?" (Matt. 7:3)

Die kerk beland soms ernstig in die spervuur. Allerlei beskuldigings wat wissel van "dood" en "koud" tot by "uit pas met die moderne lewe", word teen die kerk geslinger. Dikwels is sommige van die beskuldigings ook waar. Daar is egter twee dinge wat ons moet onthou wanneer ons die kerk kritiseer.

Eerstens moet ons onthou wie die kerk is. Dit is mense. Dit is ek en jy. Elke beskuldiging teen die kerk is 'n beskuldiging teen onsself. Elkeen van ons kan 'n verskil maak en kan daartoe bydra dat die kerk verander. Die kerk is nie 'n statiese saak nie, maar is 'n dinamiese organisme waar daar verandering en groei kan kom. Elke gelowige is in die vermoë om daardie groei aan te help. 'n Mens wat werklik in 'n gemeente diensbaar word, oefen die invloed uit dat ander gelowiges ook diensbaar word. 'n Enkele toegewyde gelowige kan 'n verskil maak.

Ons moet nog iets onthou. Al is die kerk vol foute, verkeerd, uit pas en dood, is die kerk nog steeds die Here Jesus s'n. Omdat die kerk aan Hom behoort, kan die Heilige Gees die gebrekkige kerk gebruik om die koninkryk te bou. Die Here Jesus skryf nie die kerk af nie, nee, Hy het die kerk met sy bloed gestig. Daarom moet ons oppas om nie beter as Jesus te probeer wees deur die kerk af te skryf nie.

 

 

 

Miskien moet ons, in ons kritiek teenoor die kerk, Matteus 7:1-3 onthou:

"Moenie oordeel nie, sodat oor julle nie geoordeel word nie; met dieselfde oordeel waarmee julle oor ander oordeel, sal oor julle geoordeel word, en met dieselfde maat waarmee julle vir ander meet, sal vir julle gemeet word. Waarom sien jy die splinter raak wat in jou broer se oog is, maar die balk in jou eie oog merk jy nie op nie?"

Belangrike Herwinningsnuus

Operasionalisering van die herwinningsprojek

Herwinningstaakspan wat gekontak kan word:

Miemie Fuller (082 461 9837)
Frankie du Toit (082 807 3091)
Felix Hurter (072 614 1968)
Robbie Cooper (082 374 7299)
Theunis Meyer (083 627 0637)
Laudis Meyer (082 859 9506)
Hannie Meyer (082 723 7404)
Pedro Rankin (082 375 9645)
Willie van der Merwe (082 694 3058)
Ds Hansie Roelofse (082 789 6855)
Ds Eljam Vosloo (081 039 3088)

ALGEMEEN

·        Spoel ALLE houers met water skoon uit.

·        Gebruik waar moontlik toepaslik gekleurde plastieksakke wat by die luik op Sondae te koop is of weekliks by die kerkkantoor.

·        Hou die sakke in maklik hanteerbare massa en volume. Trap houers waar moontlik plat om die volume te verminder. Onthou dit moet na storting weer deur ander mense hanteer word.

·        Bind die sakke styf toe sodat dit nie tydens hantering oopgaan nie.

·        Moet asseblief nie sakke in die waentjies uitskud nie!  Ons het nie arbeid om rommel in sakke te plaas nie.

Baie dankie vir u samewerking!!

PLASTIEK ( Geel plastieksakke)

Gemerk met herwinningskodes 1, 2, 5 en ongekodeerde filmplastiek

Kode 1:

Koeldrank bottels
Badskuim bottels
Plastiek bottels en –flessies / -houertjies

Kode 2:

Melkbottels
Sjampoe bottels
Plastiek houers van skoonmaakmiddels (jik, ens.)
Plastiek houers van kombuisreinigers (vim, ajax, ens.)
Tamtiesoushouers (‘ketchup’)
Plastiek spuithouers
Plastiek pilhouers
5 liter plastiekhouers

Kode 5:

Plastiek eetgerei (skoon asseblief!)
Plastiekborde en voedselhouers (skoon asseblief!)
Plastiekemmers (1 – 20 liter)
Plastiek drommetjies (vullisdromme, droograkke, mandjies, liasseerlaaie, ens.)
Plastiek kratte
Plastiek meubels (stoele, ens.)
Tamatiesousbottels

Ongekodeerde plastiek

(Skoon asseblief sonder organiese material wat kan bederf!!)

Plastiekfilm (‘glad wrap’)
Plastieksakke (Checkers, Shoprite, SPAR, ens.)

 

PAPIER (Groen plastieksakke)

Huishoudelike karton – plat asseblief (kartondose, toilet- en handdoekrolle, graanbokse, ens.)
Koerante
Gemorspos (advertensies, ens.)
Enige gedrukte papier (ook gekleurd)
Kantoorpapier
Boeke
Tydskrifte

GLAS (Rooi plastiek sake)

Bottels (alle gekleurde glas soos wynbottels, ens.)
Flesse (soos konfyt, koffie, ens.)

METAAL (Blou plastiek sake)

Blikke (koeldrank, bier, kos, ens.)

 

HERWINNINGSTAAKSPAN
Januarie 2015