Oordenking - Stormgeteisterde geloof

Liewe Vyfhoek-gelowige

Lees gerus hierdie oordenking.

Stormgeteisterde geloof

As 'n mens nie glo nie, is dit onmoontlik om te doen wat God wil. Wie tot God nader, moet glo dat Hy bestaan en dat Hy die wat Hom soek, beloon (Heb 11:6)

Ons leef nou, meer as ooit tevore, in moeilike en gevaarlike tye. Daar is 'n universele gewaarwording dat dinge op die wêreldtoneel na 'n kli­maks toe beweeg. Daarom is dit noodsaaklik dat jy 'n geloof besit wat onwrikbaar sal bly staan as alles rondom jou in duie stort. Alleen 'n mens met 'n onstuitbare geloof in die doel van God met hierdie ver­skeurde wêreld, sal die toekoms met vertroue kan tegemoetgaan.

Die mens wat ernstig oor die lewe nadink, word meer en meer daar­van bewus dat hy in 'n unieke tydsgewrig lewe. Oor die wêreld heen hunker die mensdom na 'n versekering dat God weet, dat Hy omgee en dat Hy iets kán doen. Al lyk dit nie aldag so nie, is hierdie nóg God se wêreld.

In sy soeke na geestelike sekerheid het die mens vele paaie gevolg en die leerstellings van Jesus op verskillende maniere vertolk. Baie dissi­pels van die Meester leef in groot verwarring. Maar Christus het nie 'n nuwe teologiese dogma kom verkondig nie. Hy het 'n nuwe lewe kom bied aan hulle wat dit wil aanneem. Hy bied ook die krag van geloof - 'n geloof wat staande sal bly, selfs onder die aanslae van die Bose.

Wanneer Christus sentraal staan in jou lewe en sy Gees jou lewe beheers, het jy 'n fondament waarop jy doelgerig kan bou. Die bouwerk wat op hierdie fondament verrys sal die magte van die duisternis weer­staan.

Here, dankie dat ek by U vrede en stilte kan ondervind. Versterk my geloof en lei my op u pad.

Preek - 21 April - Ds. Eljam - Los dit by die kruis

Preek - Goeie Vrydag - Ds. Eljam - Kies waar jy staan

Oordenking - Moed hou - 'n Christelike deug

Liewe Vyfhoek-gelowige

Lees gerus hierdie oordenking.

MOED HOU: ‘N CHRISTELIKE DEUG

Maar wie tot die einde toe volhard, sal gered word (Matt 10 :22)

Christus het nêrens beloof dat die Christen se pad altyd maklik sal wees nie. Inteendeel, Hy praat dikwels van kruis dra. Moontlik het jy jouself al heimlik afgevra of dit die moeite werd is. En tog, na wie toe anders sal jy gaan? As jy eenmaal 'n ervaring met die lewende Christus gehad het, sal jy nooit met die naasbeste tevrede kan wees nie.

As jy deur 'n donker tydperk van depressie in jou lewe gaan en jy gedwing voel om jou geloof te laat vaar, moenie oorreageer nie. Identifi­seer die rede waarom jy jou houvas op geestelike waardes verloor het. Wees absoluut eerlik met jouself. Lê dit by 'n afgeskeepte gebedslewe? Of verwaarloosde Bybelstudie? Bevind jy jou in geselskap wat nie bydra tot geestelike groei nie? Het jou toewyding aan die Meester verslap? Die skuld lê nie by God nie, maar uitsluitlik by jouself.

In die vernuwing van jou geloof moet jy vlerke kry na Christus toe. Los alle verskonings en argumente wat verwarring skep in jou geesteli­ke lewe. Christus het jou nie laat los nie. Herbevestig jou geloof dat Hy in jou leef. Hou moed en volhard in die geloof en vertrou op die onsterflike liefde van Jesus Christus.

Deur u onbeperkte krag en genade, Vader, sal ek volhard en my geloof herbevestig deur 'n lewe van algehele oorgawe en toewyding. Help my daartoe deur die werk van u Heilige Gees.

Nuusbrief - 21 April

Welkom by die Erediens

Ned Geref Gemeente Potchefstroom-Vyfhoek

Sondag 21 April 2019

             

2019 – ONS VIER 50 JAAR VAN GENADE

50 Jaar van Genade en ‘n Ewigheid van Sorg

Dit is ons gemeente tema vir 2019 - die jaar wat Vyfhoek sy 50ste bestaansjaar gedenk.

Die lewe is ‘n wonderlike genadegeskenk uit God se hand. Die grootste fout wat ‘n mens kan maak, is om te dink dat “die lewe” nog eendag gaan kom. ‘n Mens kan te laat agterkom dat die lewe nóú hier is; dat ek vandág, hiérdie uur, moet geniet wat dit ook al bied.

Wie weet of “eendag” ooit vir jou sal kom….

Sondag  21  April  2019

08:00  Geen Mannebiduur

09:30  Erediens - Ds E Vosloo                      

09:30  Geen Kleuterkerk en Kategese (Gr 1-6)

10:30  Geen Kategese (Gr 7-10)

10:30  Geen Belydenisgroep

10:30  Geen Tee by die luik

18:30  Geen Aanddiens              

          

Dagboek van NG Vyfhoek

Maandag 22 April

17:15  Geen Kategese by ES Le Grange              

17:15  Geen Bybelstudie in die konsistorie  

 Dinsdag 23 April

14:30  Damesbybelstudie

19:00  Kleingroepbyeenkoms, kontak vir Hansie indien jy wil inskakel, 082 789 6855

Woensdag 24 April

17:00  Vyfhoek 50 Feeskomitee vergader

18:00  Basaar Vergadering in die konsistorie

19:30  Plaasbiduur vind plaas Donderdag 25 April

18:00  LAS Vergadering in die konsistorie

19:00  Geen Timoteusgroep

Sondag 27 April 2019

08:00  Mannebiduur by W Brewis

09:30  Erediens

09:30  Kleuterkerk

09:30  Kategese (Gr 1-6)

10:30  Tee by die luik

10:30  Kategese (Gr 7-10)

10:30  Belydenisgroep

18:30  Aanddiens

Voorbidding vir die volgende siekes

*Mareen Fourie is in Mediclinic.

*Lorette Frith is in Pretoria-Oos Privaathospitaal.

*Pieter van der Walt is in Mediclinic.

*Cas en Judith Badenhorst se kinders was in ‘n ernstige motorfiets ongeluk en voorbidding word vir hulle gevra.

Teeskink beurte vir 2019

28 April

Chrisna Rankin

5 Mei

Henriëtte Claasen

12 Mei

Bertha Oberholzer

19 Mei

Leonore Brewis

26 Mei

Rina Van Wyk

Indien jy graag wil help met die skink van tee in 2019, kontak my.

Baie dankie: Heleen

Verjaarsdae: 21 April tot 28 April

21 April

Rita De Kock

Estiaan Krogman

Liam Van Der Merwe

22 April

Koos Croucamp

Andre De Jager

Susan Els

Hannes Gouws

Jana Mathee

24 April

Tersia Visagie

25 April

Reinet Hugo

Frances Roelofse

Mada Vosloo

27 April

Chrissie Nel

Rina Van Wyk

Willie Venter

Veels geluk,

Geseënde jaar wag vir jou!

Dankoffers

Begroot Mrt-Mrt

R62 500

Ontvang Mrt-Mrt

R51 200

“U woord is die lamp wat my die weg wys, die lig op my pad” Psalm 119:105

Mag die pad voor jou gelyk raak

Mag die wind altyd van agter waai

Mag die son warm op jou skyn

en die reën sag op jou lande val

tot ons weer ontmoet

Mag God jou in die palm van sy hand hou

Gaan in sy liefde…..

Gedenkbundel: 50 - Jaar

Liewe Gemeente. As die gedenkblad Oktober, as die hoogtepunt van ons feesviering verskyn, wil ons hê dat dit besonders sal wees. Sonder U hulp is dit nie moontlik nie. Ons vra foto’s van dope, aannemings en troues, bring dit vir ons, en ons onderneem om alles ongedeerd aan u terug te besorg. As u ‘n interesante ervaring gehad het, of ‘n humoristiese staaltjie onthou, deel dit met ons.

Skakel vir Martie Langenhoven: 290 5362, Ds Eljam 081 039 3088 of Ds Hansie: 082 789 6855.

Klub 5

Vir almal in die gemeente, 60 en ouer

Die tweede kwartaalse byeenkoms verskuif na Woensdag, 15 Mei.

Ons kom by die buitelug restaurant Roosmaryn bymekaar. Dit is waar die kwekery (Ou Pavillion) in Paryslaan eers was.

Hulle noem dit nou Die Koelte Tuin.

Kom kuier gerus saam en geniet ‘n koppie tee of koffie met ‘n muffin of skon.  Koffie - R20, tee - R17, Muffin - R35, skon met aarbeikonfyt en room - R40.

Getalle word benodig, besprekings moet gedoen word.

Kontak die kantoor by (018) 290 5988.

GHOLFDAG NG-VYFHOEK

Vrydag, 15 November 2019

NG Vyfhoek se jaarlikse gholfdag vind vanjaar op Vrydag, 15 November 2019 by die Potchefstroomse Buiteklub plaas weer met die GROOT VLEIS-pryse waarna al die gholfers elke jaar uitsien en van praat.

Kostes:  R1 200.00 vir 4 balle (Sluit ‘n boereworsrol en ‘n Shooter by die halfweg nommer 13 in)

Advertensie:  Advertensies by ‘n onbemande putjie is R500.

                Advertensies by ‘n bemande putjie waar u water of bier uitdeel is GRATIS.

Borge:  Indien u ‘n gat wil borg sonder spelers, is dit R700.

              Erkenning sal aan die instansie/besigheid/person gegee word tydens die gholfdag.

Gholfers en besigheidsmense in ons gemeente, skakel vir Ds Eljam om hand by te sit!

Fees-Basaar 2019

Ons gemeente se feesbasaar vind op Saterdag 1 Junie plaas. Ons gebed is dat dit regtig ‘n groot fees en vreugde sal wees!

Lidmate word gevra om afgesien van kontant en produkte asb ons ook te help om bestandele vir ons te bring. Julle kan dit Sondae of gedurende die week vir ons bring. Help ons asb hiermee. Ons sal vir julle aandui wat ons benodig.

Suiker, Kookolie, jellie,ideal-melk, kondensmelk

Die persone wat elke lidmaat gaan skakel vir basaarprodukte sal jou eersdaags begin skakel. Wees asb vriendelik met hulle en help ons om alles glad te laat verloop.

Die persone wat elke lidmaat gaan skakel vir basaarprodukte sal jou eersdaags begin skakel. Wees asb vriendelik met hulle en help ons daarmee.

GESOEK!!!  Is daar dalk ‘n lidmaat wat vir ons ‘n TABLET kan borg as ‘n trekprys? Ons soek nog WITOLIFANTE! Maak jou garage en kaste leeg van ongebruikte items; ons sal dit met graagte neem. Het jou ou BOEKE op jou rak wat jy dalk kan inbring vir ons boeketafel? Is daar iemand wat bereid is om ‘n MOBIELE TOILET vir die Kinderpark te borg of weet waar ons een vir ‘n redelike prys kan huur? Ons het weer HUISHULPE nodig wat die Saterdag teen vergoeding in die kombuis kan help!

Baie betroubare huishulp is beskikbaar. Sy het uitstekende verwysings, kontak vir Alana Pretorius by 083 381 6537.

Die werker se naam is Lydia en sy kan gekontak word by 063 365 2539.

Ona Jv Rensburg se meent huis is vir die komende vakansie beskikbaar in

Jeffreysbaai.  Indien jy be-langstel, kontak haar vir verdere inligting by 082 374 6027.

FEESBASAAR  2019

Oor 38 dae is dit weer ons jaarlikse basaar.

Bring asseblief vir ons die volgende: leë bottels wat ons gebruik, wit olifante, alles wat jy nie meer nut voor het nie en boeke.  Daar is ‘n groot behoefte daarvoor.

FeesBasaar - Inligting

Die dames gaan vanaf 30 April elke Dinsdag kleinkoekies bak in die kombuis. Kom help hulle asseblief daarmee, dit is heerlik gesellig.

Onthou om te woeker met die Arts-and-Crafts, daar is heerlike pryse op die spel. As jy produkte het wat alreeds klaar is, kan dit solank inkom. Dieselfde met Deli-produkte.

Preek - 7 April - Ds. Hansie - Kyk Hy regeer oor alles en almal

Oordenking - God bo-aan my lewensagenda

Liewe Vyfhoek-gelowige

Lees gerus hierdie oordenking en bepeins die vraag aan die einde.

God bo-aan my lewensagenda

Ook bid ek dat julle liefde al hoe meer sal toeneem in begrip en fyn aan­voeling, sodat julle die dinge sal kan onderskei waarop dit werklik aankom (Fil 1:9-10).

Daar is soveel belangrike dinge wat jou aandag en kragte van dag tot dag opeis. Daar is die besigheid wat jy bedryf; voltydse studie vir 'n loop­baan; die sleurgang van die huishouding; die opvoeding van die gesin; die sorg vir siekes en bejaardes en nog baie ander.

Desnieteenstaande mag jy hierdie dinge nie verhef tot die hoogste goed nie. Jy moet God eerste plaas op die agenda van elke dag. Hy is immers die Eerste en die Laaste; uit Hom, en deur Hom en tot Hom is alle dinge. Hy eis die hoogste prioriteit in jou bestaan, nie alleen omdat Hy die reg daartoe het nie, maar ook omdat jou lewe daardeur sy hoog­ste doel bereik en wen aan diepte en kwaliteit.

As Hy eerste in jou lewe is, sal Hy elke terrein van jou lewe beïnvloed wat aan Hom ondergeskik gemaak word. Vereer God met jou tyd, jou talente, jou besittings, jou planne en laat sy Gees toe om te heers oor al die aspekte van jou bestaan. Dan sal jy die opwindende ontdekking maak dat, wanneer God eerste geplaas word in jou lewe, jy perspektief in die lewe kry. Dan sal jy vrede hê met jouself en met ander.

Hemelse Vader, leer my deur u Heilige Gees dat my primêre taak is om U eerste te plaas. Daarop moet dit vir my wesenlik aankom. Doen dit in my lewe deur die verdienste van Jesus Christus, wat geleef en gesterf het om U te verheerlik.

Preek - 31 Maart - Ds. Eljam - Vader vergeef hulle